સરસ્વતી વિદ્યા મંડળના સરસપુર કેમ્પસમાં, ભારતના સ્વતંત્રતા-દિનની ઉજવણી બુધવાર તારીખ ૧૫ ઓગસ્ટ ૨૦૧૮ના રોજ કરવામાં આવી. મુખ્ય મહેમાન અમદાવાદ જિલ્લાના શૈક્ષણિક નિરીક્ષક ડો. નમ્રતા ઉપાધ્યાયના વરદ હસ્તે ભારતનો રાષ્ટ્ર-ધ્વજ ફરકાવામાં આવ્યો હતો. સરસપુર કેમ્પસની શાળાના વિદ્યાર્થીઓ તથા શિક્ષક-ગણે ઉજવણીમાં ઉત્સાહ પૂર્વક ભાગ લીધો હતો.
૧૯ વર્ષથી નીચેની વયના ખેલાડી માટેની શાળાકીય રમત-ગમતની હેન્ડ-બોલ પ્રતિયોગિતામાં જે.એન. બાલિકા વિદ્યાલયની ટીમ અમદાવાદ જિલ્લામાં પ્રથમ વિજેતા જાહેર થઈ છે. રમતની ફાઇનલ મેચમાં શાળાની ટીમે દીવાન-બલ્લુભાઈ શાળાની ટીમ પર ૧-૦ થી વિજય મેળવ્યો. આ ઉપરાંત શાળાની ૮ બાલિકા રાજ્યકક્ષાની ટીમ માટે પસંદ થઇ છે. વિજેતા ટીમના ખેલાડી, વ્યાયામ શિક્ષક શોભનાબેન પટેલ તથા માર્ગદર્શક નરેશભાઈ પટેલને અભિનંદન .
ગઇ તારીખ ૩જી ઓગસ્ટ ૨૦૧૮ના રોજ મુખ્ય મહેમાનશ્રી જ્યોતિન્દ્રભાઇ દવે અને શાળાનાં આચાર્યશ્રીની ઉપસ્થિતિમાં સરસ્વતી વિદ્યામંડળ તરફથી શેઠ એ.એચ. સરસ્વતી વિદ્યાલયનાં ઉચ્ચ સિદ્ધિ મેળવેલ કુલ ૧૨ વિદ્ય્રાર્થીઓને પ્રમાણપત્ર આપી સન્માન કરાયું હતું. તેમજ વિવિધ પ્રકારની સ્કોલરશીપનુ વિતરણ પણ કરવામા આવ્યું હતું.
ગઇ તારીખ ૧૩ જુલાઈ ૨૦૧૮ના રોજ મુખ્ય મહેમાન શ્રી જ્યોતિન્દ્રભાઇ દવેની ઉપસ્થિતિમાં શેઠ એ. એચ. સરસ્વતી વિદ્યાલયના વર્ષ ૨૦૧૮-૧૯ માટે વરાયેલા મહામંત્રી ભાઇ શ્રી મહિપાલ વાઘેલા, સહમંત્રી ભાઇશ્રી યશ પરમાર, કારોબારી મંડળના સભ્ય તથા સમગ્ર વિદ્યાર્થી સંઘને આચાર્યશ્રીએ શપથ લેવડાવ્યા.
લોકશાહી ના મૂલ્યો ના જતન માટે જે. એન. બાલિકા વિદ્યાલયમાં ગઇ તારીખ 7 જૂનના રોજ વિદ્યાર્થી મહાસમિતીની ચૂંટણી માટે મતદાન કાર્યક્રમનું આયોજન શિક્ષકોની દેખરેખ હેઠળ કરવામાં આવ્યુ. વર્ગ દીઠ 6 પ્રતિનિધિઓ પસંદ થયા. ત્યારબાદ તારીખ 11 જૂનના રોજ કારોબારી મંડળની પસંદગી થઈ. શાળા ના મંત્રી તથા સહમંત્રી માટે મતદાન યોજવામાં આવ્યું. શૈક્ષણિક વર્ષ 2018-19 માટે ધોરણ11, કોમર્સની […]
સરસ્વતી કુમારશાળા-૨એ પોતાનો શૈક્ષણિક વર્ષ ૨૦૧૮-૧૯ માટેનો વાલી-દિન તારીખ ૬ ઓગસ્ટ ૨૦૧૮ના રોજ બપોરના ૧૨થી ૪:૩૦ની વચ્ચે ઉજવ્યો. વાલી-દિનમાં ૭૬%થી વધુ વિદ્યાર્થીના વાલીઓએ ઉત્સાહ પૂર્વક ભાગ લીધો. વાલીઓએ એકમ-કસોટીના પરિણામના આધાર પર પોતાના બાળકના શૈક્ષણિક તથા સર્વાંગી વિકાસ બાબતની ચર્ચા શિક્ષકો સાથે કરી હતી. શિક્ષકોએ વાલીઓને વિદ્યાર્થીઓને વધુ આગળ લાવવા માટેના શાળાના પ્રયત્ન વિષે માહિતી આપી હતી. પ્રસ્તુત છે કાર્યક્રમની એક ઝલક.
આપણી જે. એન. બાલિકા વિદ્યાલયના ધોરણ 10 ના 25 વિધાર્થીઓએ 13જૂનના રોજ સ્થાપ્ત્ય કલાને નિહાળવા માટે વિષય શિક્ષક શ્રી વનિતાબેન અને શ્રી જયેશભાઈ સાથે હઠીસિગના દેરા ની શેક્ષણિક મુલાકાત લીધી હતી.
કલામહાકુંભ ૨૦૧૮-૧૯ માં આપણી જે. એન. બાલિકા વિદ્યાલયના સંગીત વૃંદે સંગીત શિક્ષક જયંતભાઈ ના માર્ગદર્શન હેઠળ સમુહગીત તથા લગ્નગીત એમ બે શ્રેણીમાં જિલ્લા કક્ષાએ પ્રથમ સ્થાન મેળવી આગળ પ્રદેશ કક્ષા માં ઉમેદવારી નોંધાવી છે. સૌને અભિનંદન અને શુભકામનાઓ.
ગઇ તારીખ ૨૭ એપ્રિલ ૨૦૧૮ના દિવસે સરસ્વતી કુમાર શાળા-૨ના વિદ્યાર્થીઓ તથા શિક્ષકોએ જ્ઞાન-ગૌરવ તથા સરસ્વતી પૂજનની ઉજવણી કરી. આ પ્રસંગની ઝલક.