વિડિયો દ્વારા શિક્ષણ- જરૂરી સૂચના

સરસ્વતી વિદ્યામંડળ સંચાલિત શાળાઓ દ્વારા ટૂંક સમયમાં અલગ-અલગ ધોરણના વિષય મુજબ વિડિયો YouTube પર મૂકવામાં આવશે. જ્યાં સુધી શાળાઓ નિયમિત શરૂ ન થાય ત્યાં સુધી વિદ્યાર્થી આ વિડિયો જોઇ અભ્યાસ કરી શકે તેવી વ્યવસ્થા કરવામાં આવી છે. હાલમાં આ વ્યવસ્થા ધોરણ ૩ થી ધોરણ ૧૨ માટે સીમિત છે.

૧) દરેક વિડિયો માટે તમે શાળામાં આપેલા મોબાઇલ નંબર પર એક text message (SMS) આવશે. આ મેસેજમાં વિડિયો જેના માટે છે તે ધોરણ, વિષય, પ્રકરણ વગેરે વિગત ઉપરાંત એક (મોટા ભાગે ભૂરા રંગની) લિંક હશે.

૨) આ લિંક પર ક્લીક કરતા (ટચ કરતા) વિડિયો YouTube માં ખૂલી જશે (આ માટે મોબાઇલ પર ઇન્ટરનેટ ચાલુ હોવું જરૂરી છે). આ જ લિંક વાપરી બીજા કોઇ પણ સાધન જેવા કે કમ્પ્યુટર, ટેબલેટ અથવા સ્માર્ટ ટીવી પર પણ વિડિયો જોઇ શકાશે.

૩) લિંક વાપરીને વિડિયો કોઇ પણ સમયે જોઇ શકાય. પરંતુ તેમાં  આપેલા ઘરકામ અથવા સ્વાધ્યાય માટે સમય મર્યાદા હોઇ શકે તેનું ધ્યાન રાખવું.

૪) વિડિયો જોતી વખતે જે-તે વિષયની નોટબુક સાથે રાખવી, જેથી જરૂરી મુદ્દા નોંધી શકાય.

૫)  વિડિયોમાં આપવામાં આવેલા ઘરકામ અથવા સ્વાધ્યાય તેમાં આપેલી સૂચના મુજબ નિયત સમય મર્યાદામાં  શિક્ષકને મોકલી આપવું. જો વિડિયોમાં ઘરકામ પાછું આપવા માટેની કોઇ ખાસ સુચના ન હોય તો વિડિયો માટેના મેસેજ મળ્યાના એક સપ્તાહની અંદર પોતાની શાળામાં જમા કરાવી જવું.  ઘરકામ પર પોતાનું નામ, રોલનંબર  ધોરણ, વર્ગ, વિષય તથા પ્રકરણ અવશ્ય લખવા.

૬) જે-તે ધોરણના વિડિયોની યાદી આ વેબસાઇટ પર મૂકી છે. તેના દ્વારા પણ વિડિયો જોઇ શકાય. આ યાદીમાં હજુ સુધી પ્રકાશિત ન થયા હોય તેવા વિડિયો પણ હોઇ શકે. તમે આ અપ્રકાશિત વિડિયો જોઇ શકો, પરંતુ તેમાં આપેલા ઘરકામ/સ્વાધ્યાય મોકલી ન શકો. તેના માટે વિડિયો પ્રકાશિત થાય તેની રાહ જૂઓ.

૭) જો આપની  જાણમાં સંસ્થાનો કોઇ એવો વિદ્યાર્થી (ધોરણ ૩ થી ૧૨નો) હોય કે જે ને મેસેજ ન મળતા હોય તો તેને પોતાની શાળાનો સંપર્ક કરી સાચો મોબાઇલ નંબર આપવા કહેશો.