સરસ્વતી કુમારશાળા 1 અંગ્રેજી ભાષાના શિક્ષણમાં અગ્રેસર

ગુજરાતી માધ્યમ દ્વારા અભ્યાસ કરતા વિદ્યાર્થીઓનું અંગ્રેજી ભાષા પર પ્રભુત્વ કેળવવાના હેતુ સહ, અમદાવાદ યુનિવર્સિટી તથા નિરંજન ભગત મેમોરિયલ ટ્રસ્ટના સંયુક્ત ઉપક્રમે  એક પાયલોટ  પ્રોજેક્ટ,  “માધ્યમ ગુજરાતી ઉત્તમ અંગ્રેજી” (MGUA)  શરૂ કરવામાં આવેલ છે. ગુજરાતની આશરે 38 સ્કૂલને આવરી લેતા આ પ્રોજેક્ટનું ધ્યેય ગુજરાતી માધ્યમમાં અભ્યાસ કરતાં શ્રેણી -6,7 તથા 8 ના વિદ્યાર્થીમિત્રોને અંગ્રેજી ભાષા સઘન રીતે, રુચિકર પદ્ધતિથી શીખવવાનું છે.  ત્રણ વર્ષના MGUA પ્રોજેક્ટના પ્રથમ વર્ષ, 2022-23 માટે આપણી સંસ્થાની સરસ્વતી કુમારશાળા-1ની પસંદગી પ્રોજેક્ટની Best Performing School તરીકે કરવામાં આવી છે. આ અંગેનો અવોર્ડ એક ખાસ સમારંભમાં  નિરંજન ભગત મેમોરિયલ ટ્રસ્ટના ડાયરેક્ટર શ્રી પ્રફુલ્લ અનુભાઈના હસ્તે શાળાના આચાર્યને એનાયત કરવામાં આવ્યો હતો. આ ગૌરવપૂર્ણ સિધ્ધી માટે કુમારશાળા-1ની સમગ્ર ટીમને અભિનંદન!